Kombiner ein RIB-tur på mektige Lustrafjorden med ein guida omvisning ved Urnes stavkyrkje – oppført på UNESCOs verdsarvliste.

Turen startar frå Skjolden og fortset med RIB-båt ut nordsida av Lustrafjorden. Du får oppleve fjell, fjord og fossefall, og vil ha god utsikt til dei ulike bygdene langs Lustrafjorden. Om de er heldige vil ein sjå nysgjerrige fjordselar og niser på turen og guiden tek dykk til plassane med størst sannsynlegheit for å oppdage dyreliv.

Etter omtrent 40 minuttar på fjorden går de i land ved Ornes båtbyggeri og starter ein vandretur opp til Urnes stavkyrkje langs ein bratt grusveg. RIB-guiden følgjer dykk heile vegen opp til kyrkja der de blir tatt i mot av ein guide ved stavkrykja. Du vil få sjå kyrkja frå utsida og innsida og høyre om den spesielle historien og arkitekturen. Kyrkja er Norges eldste stavkyrkje – bygd rundt 1130. På veg tilbake til Skjolden stoppar guiden ved fleire interessante attraksjonar som 218 meter høge Feigefossen og saftbygda Sørheim.

Turen gir deg ein spennande kombinasjon av eineståande natur, kultur og eit opphald i den romantiske lille bygda Urnes.