Sykkelutleige
Utforsk den indre delen av Sognefjorden på eiga hand som ein del av ein aktiv ferie.
Legg ut på ein av våre anbefalte turar, eller bli med ein lokal guide på ein privat tur.
Skjolden er eit flott og naturleg utgangspunkt å ta sykkelturar til fleire attraksjonar frå.
Vi ligg ved inngangen til dei to dalane Mørkridsdalen og Fortundalen, og starten på «Den Romantiske Vegen» som følgjer fjordsida mot Urnes. Nedanfor kjem nokre forslag til kva vi meiner er dei finaste sykkelrutene å ta frå Skjolden. Leig syklar frå oss og utforsk på eiga hand som ein del av ein aktiv ferie.
Vel mellom våre ulike sykkelmodellar:
By-sykkel: Robust og påliteleg med 7 gir, passar godt på flate asfalterte vegar. Utmerka for å utforske Skjoldens sentrum og nærområde. Forbremse (venstre spak) og fotbrems.
Standard sykkel: Ofte kalla hybrid-sykler for si utmerka bruk både på asfalt og grusvegar. Anbefalt for turane som er nemnde i artikkelen nedanfor. Tilgjengelege modellar: Trek Zektor 3 og DBS Allround 8.
El-sykkel: Godt eigna både for asfalt og grusvegar. Anbefalt for dei lengste turane som til Urnes, eller for dei som ønskjer ein meir avslappa tur med meir energi til å nyte utsikta. Tilgjengelege modellar: Trek UM3+
NB! Ekstra sykkellys er naudsynt for turar på Den Romantiske Vegen. Spør om å få lys ved henting dersom du planlegg å ta denne ruta. Startpunkt her.
Prisliste for 2025:
| Rentals: | Adult Price: | Children Price (8-14 years): |
| City-Bike, Day rental | 350 | 250 |
| City-Bike, 3 Hours | 250 | 200 |
| Standard Bike (Hybrid), Day rental | 525 | 315 |
| Standard Bike (Hybrid), 3 Hours | 350 | 275 |
| E-bike, Day rental | 950 | – |
| E-bike, 3 Hours | 650 | – |
25% VAT & 3,25% booking fee included.
Mørkridsdalen
– Inngangsporten til Breheimen Nasjonalpark
Kjend som inngangsporten til Breheimen nasjonalpark, har Mørkridsdalen ingen mangel på vakre syn å sjå. Denne dalen er full av frodige skogar, flotte fossefall og bratte fjellvegger på begge sider. langs vegen vil du oppleve eit tradisjonelt gårdslanskap der du kanskje ser sauer og kyr beite, og du kan nyte fred og ro medan du lyttar til alle fuglane som bur i området.
Med avgrensa stigning (2-3 små bakkar, resten er flatt), er det ein flott stad å sykle både for dei yngre og eldre medlemmane av familien. Slutten av vegen er ein blindveg, der nasjonalparken startar, og det er svært lite trafikk på vegen, og ingen tunnellar du må gjennom.
Drivandefossen – sjølv-guida Bike&Hike
- 3-4t tur-retur
For dei som ønskjer å utforske ein frodig lauvskog og bli belønna med ei nær utsikt over det brusande Drivandefossen og ei panoramautsikt over Mørkridsdalen, er denne turen eit must. For å kome frå sykkelutleiga vår til Drivande fossen startar du med å sykle gjennom sentrum av Skjolden, og svinger av på Fv333 (skilt til Mørkrid). Følg denne vegen i cirka 6 km til du kjem til eit vegkryss mellom to grusvegar. Vel vegen til venstre (peikar mot Åsetevatnet) og fortsett på grusvegen i 500 meter før du svingar til venstre inn på parkeringsplassen for turen. Parker sykkelen din og gjer deg klar for å gå opp ein moderat bratt bakke med 300 meters stigning før du kjem til Drivande fossen.
Link til Google Maps rute fra vår sykkelutleige til Drivandefossen parkeringsplass: https://goo.gl/maps/PkX3ocnBDHXbRVf76
Dulsetestølen – Eit lengre Bike&Hike alternativ
- 5-6t tur-retur
Om du søkjer ein lengre Bike&Hike-oppleving frå Skjolden, er Dulsete støl i Breheimen nasjonalpark eit godt alternativ. I århundre har bønder i Skjolden brukt sine vår- og sommarstølar som ein stad å føre buskapen sin om sommarane. Desse stølane hadde ei viktig rolle i å dyrke området og produsere norsk kvit- og brunost. Produksjonen av ost på sommarsetrane tok slutt på femtitalet, men mange hytter har blitt tatt vare på, og nokre nye har blitt bygd og brukt til rekreasjonsføremål, og som ly for bønder som passer på sauerne sine. Meir enn 2000 sauer og kyr nyter opphaldet sitt her om sommaren.
Start med å sykle gjennom sentrum av Skjolden, og sving av på Fv333 (skilt til Mørkrid). Følg denne vegen i cirka 6 km til du kjem til eit vegkryss mellom to grusvegar. Vel vegen til høgre (følg elva) og fortsett på grusvegen i 2,3 km før du kjem til enden av vegen og parkeringsplassen for turen (kalla Hødnevollen/Hyrnavollen). Parker sykkelen din og gjør deg klar for å gå inn i dalen. Når du kjem til Storetjødni (-tjørna), held du til høgre langs kanten av vatnet. Etter kvart vil du finne tre meir tjørner kalla Djupetjødni, Flåtjødni og Svinetjødni.
Distanse fottur: Omtrent 7 km ein veg på ein bratt sti med stein. 500 moh.
Link til Google Maps rute fra vår sykkelutleige til Dulsete parkeringsplass: https://goo.gl/maps/cPrvYfuXfQgpBmpaA
Den Romantiske Vegen
– Ein unik sykkelopplevelse i hjarte av Noreg
Den romantiske vegen, som har fått namnet sitt frå den viktige rolla den spelte under romantikken, er full av vakre fjordutsikter som har inspirert mange av nasjonen sine kunstnarar. På denne ruta vil du kome over historiske bygningar, tradisjonelle frukthagar, og du kan nyte utsikta mot den 218 meter høge Feigefossen.
Den romantiske vegen er ein asfaltert veg som delast med anna trafikk, men hovudtrafikken er på den andre sida av Lustrafjorden, og du kan forvente å møte trafikk kvar 5-10 minutt. Det er til saman tre tunnelar (300 m + 850 m + 350 m) utan lys, så det er viktig at du spør oss om ein sykkellykt når du hentar syklane.
Meir informasjon om vegen kan du finne her: www.romanticroad.no
Den Romantiske Vegen – Grønn Rute til Feigefossen
- 16km ein veg
Medan den grøne ruta til Feigefossen er det kortare alternativet på Den Romantiske Vegen, inneheld den framleis fine natursyn og historiske bygningar å utforske. Vår anbefaling er å ta ein pause halvvegs i bygda Sørheim. Sørheim er i dag kjent for sine bringebær gårder og som stad for fødselen til Noregs største syltetøy- og juiceproduksjonsfirma, Lerum. Den gamle produksjonsfasiliteten står framleis den dag i dag og kan sjåast frå vegen. Når du kjem til Feigefossen kan du velje å setje fra deg syklane og gå opp for å kome nærmare fossen, eller du kan kjøpe deg ei vaffel og kaffi på Feigesagi kafe like ved vegen medan du nyter utsikta til kanskje Noregs vakraste fossefall.
Å finne vegen frå vår sykkelutleige til Feigefossen er svært enkelt. Vår sykkelutleige ligg berre nokre meter frå vegen Fv5637, som fører deg heilt til Feigefossen. På grunn av dei geografiske avgrensingane med bratte fjell på den eine sida og fjorden på den andre sida av vegen, er det berre ein veg å følgje til du når fram. På vegen må du gjennom to tunnellar utan belysning. Ver merksam på å be om lys om du vel denne ruta.
Den Romantiske Veg – Gul Rute til UNESCO Urnes Stavkyrkje
- 30km ein veg
Vil du besøke den eldste av dei få gjenværande stavkyrkjene i Noreg? Ved å velje den gule ruta kjem du heilt fram til bygda Urnes der UNESCO-verdsarven Urnes stavkyrkje ligg. Det er daglege guidede turar inne i kyrkja som du kan delta på for å lære meir om historia til denne svært gamle trestrukturen. På vegen tilråder vi å stoppe i bygda Kroken der du kan kjøpe lokalt produsert saft og sjå på den historiske bygningen Munthe-huset. Munthe-huset er kjent for å vere eit senter for kjente reisande kunstnarar som let seg inspirere til sine måleri på 1800-talet.
For å kome til Urnes, held du fram der den grøne ruta sluttar og følgjer same vegen Fv5637 til du kjem fram til stavkyrkja.
Fortunsdalen
Fortundalen er den andre av dei to dalane som endar i Skjolden, og byr på attraksjonar som Eidsvatnet, Åsafossen og Wittgenstein sin hytte. Det meste av syklinga går langs Fv55, som har meir biltrafikk, og er grunnen til at vi ofte tilrår å prøve Mørkridsdalen og Den Romantiske Vegen før ein legg ut på tur i Fortundalen.
Eidsvatnet: Frå Skjolden Brygge treng du berre sykle 800 meter for å kome til vestenden av Eidsvatnet. Utsiktspunktet tilbyr ein flott utsikt over fjella og Åsafossen i det fjerne. Vatnet er 1,4 km langt og 0,6 km breitt, og er ei viktig ferskvatn kjelde for Skjolden. Fortunselva renn gjennom dalen, og er eit populært besøk for fiskarar som ønsker å fange laks og aure.
Wittgensteinshytta: Den østerrikske filosofen Ludwig Wittgenstein er kjent som ein av dei viktigaste filosofane etter andre verdskrig. På besøk til Noreg for første gong i 1913, søkte han etter eit passande og fredfullt sted å bu og studere. Valet hans falt på ei lita og avsidesliggjande fjellhylle over Eidsvatnet, der han bygde si vesle hytte. Her kunne han sitje isolert i dagar og timar for å tenkje og skrive, mens han naut den fantastiske naturen og freden som omringa han.
For å kome til hytta, kryssar du hengebrua over Fortunselva, og følgjer grusvegen og skiltene mot Wittgensteinshytta.
Åsafossen: 3,1 km frå Skjolden kan du oppleve den imponerande Åsafossen på nært hald – ein populær og lett tilgjengeleg stad frå Skjolden. Ved sida av fossen kan du nyte ein kaffi, vaffel eller middag på Vassbakken Kro & Camping.